"هذا محمد " أكبر كتاب في العالم !!

إن ما يجعل هذا الكتاب مميزاً ليس فقط حجمه وإنما كونه مبادرة عربية رائعة للدفاع عن الحبيب صلى الله عليه وسلم و حكاية سيرته الشريفة ، والتعريف بشخصيته النادرة   ، و رسالته الإنسانية العالمية .

فهو أكبر كتاب في العالم ليس بسبب حجمه ،أو لأنه أول مشروع عربي بهذا الحجم يدخل موسوعة جنيس للأرقام القياسية ؛

 وإنما لأنه يتحدث عن أعظم شخصية عرفها التاريخ  !  

أما  الناشر صاحب فكرة مشروع الكتاب ، فهو رئيس مجموعة مشاهد الدولية   بإمارة دبي : الدكتور /محمد سعيد العولقي،

وأما المؤلف فهو   الكاتب والأمين العام لمجمع بحوث الفقه الإسلامى فى الرياض الدكتور : عبد الله عبد العزيز المصلح.

هذا الكتاب يبلغ وزنه 1500 كيلوغرام، في حين يبلغ طوله أكثر من 5 أمتار، وعرضه 4 أمتار؛ و لقد تم إنجاز المشروع في غضون عام كامل وبتكلفة إجمالية تجاوزت العشرة ملايين درهم( ما يقارب ثلاثة ملايين دولار)

كما عمل به أكثر من 280عالِم وفني

ولقد طُبع منه مليون نسخة بالحجم العادي،  بأربعة لغات هي: العربية والإنجليزية والفرنسية وكذلك لغة برايل للمكفوفين .

 جزى الله القائمين عليه خير الجزاء، وصلَّى الله وسلَّم على النبي الكريم .

المصادر

1-كتاب “هذا محمد” يزن 1500 كلغ وفيه 420 ورقة بطول 5 أمتار. تاريخ الإتاحة 22 أغسطس ، 2012.

http://ammancity.net/2011/08/%D9%83%D8%AA%D8%A7%D8%A8-%D9%87%D8%B0%D8%A7-%D9%85%D8%AD%D9%85%D8%AF-%D9%8A%D8%B2%D9%86-1500-%D9%83%D9%84%D8%BA-%D9%88%D9%81%D9%8A%D9%87-420-%D9%88%D8%B1%D9%82%D8%A9-%D8%A8%D8%B7%D9%88%D9%84-5/

2-كتاب "هذا محمد".. يدخل موسوعة "غينيس" للارقام القياسية. . تاريخ الإتاحة 22 أغسطس ، 2012. http://arabic.rt.com/news_all_news/news/579598/

3-"هذا محمد" كتاب يدخل دبي بوابة غنيس . تاريخ الإتاحة 22 أغسطس ، 2012.

http://www.youtube.com/watch?v=zP3rsZy6XxE

شهر رمضان والكلمة السحرية !!

في شهر رمضان المبارك نزلت أول كلمة  من  خاتم الكتب السماوية الذي تولى الله تعالى حفظه بنفسه،

ففي أشرف وأبرك ليلة من هذا الشهر نزلت كلمة هي مفتاح السعادة والرخاء والتقدم والعِزَّة ، ألا وهي : " إقرأ " !

لذا ففي هذا الشهر الكريم , ومع اقتراب موعد ليلة القَدر ينبغي ألا ننسى هذا الأمر الإلهي المقدس ،

 الذي تبين-بمرور الأيام – لدى العالَم المتقدِّم أنه مفتاح كل الخيرات ، والسبيل إلى السلطة والقوة والسيطرة والغِنى

 الذين يلهثون وراءهم ويجنِّدون لهم كل إمكاناتهم !

فهل تستفيد الأمم الأخرى من هذا الأمر المقدس إلا أُمة إقرأ ؟!!!!!!!!!!!!!!

 ثم ألا يحِق لاُمَّة "إقرأ" في شهر رمضان أن تحتفل بذكرى نزول هذه الكلمة تعظيماً لقَدرها وتعميقاً لمعناها ؟!

المكتبات الدعوية في الأماكن السياحية بمصر : تجربة رائدة .

 

بقلم  

أحمد شاكر رشدي محمود

الطالب بالفرقة الأولى

قسم المكتبات والمعلومات – جامعة الإسكندرية
هذا  المشهد  ليس في ألمانيا أو أمريكا، إنه لأحد مكتبات مشروع ( أهلا ً للتعريف بالإسلام ) تحت رعاية جمعيتا : تبليغ الإسلام،وطرح الخير ؛هذه المكتبة موجودة فى قلعه صلاح الدين لتوزيع الكتب الاسلاميه بجمع اللغات مجانا على الاجانب غير المسلمين لتعريفهم بالاسلام أو تصحيح صورة الإسلام لديهم   

ولقد تمت مراجعة هذه الكتب والموافقة عليها  من قبَل الأزهر الشريف قبل طرحها في هذه المكتبة.

إلا أن هذه المكتبة  ليست الوحيدة في مصر، فهناك  مكتبات أخرى يتم توفيرها فى الاماكن السياحيه  الأخرى  كجامع الازهر الشريف ، و جامع محمد على ،  ومسجد الناصر محمد بن قلاوون بالقلعه ، و جامع عمرو بن العاص ؛ يتم من خلالها توزيع الكتب التعريفيه بالاسلام على السياح بالمجان كلاً حسب لغته  
وذلك بهدف توسيع آفاق الدعوة لتشمل جميع المناطق السياحيه داخل مصر.

وفي رأيي أن هذه هي أحد  الطرق الفعالة في الدعوة ، حيث يتم دعوة  السائحين إلى الإسلام من خلال القراءة ،وذلك بتوصيل هذه الكتب إلى حيث يتواجدون : في الأماكن السياحية   ؛  قال تعالى في سورة آل عمران:  "وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ وَأُولَـٰئِكَ هُمُ الْمُفْلِحُونَ ﴿١٠٤﴾

ومن وجهة نظري - كطالب بقسم المكتبات والمعلومات- فإنني وجميع  المتخصصين في المجال  نستطيع  دعم هؤلاء الدعاة من خلال ما يلي:

1-إفادة المسئولين عن هذه الجمعية من خبراتنا في مجال التزويد من خلال مساعدتهم على تنمية مجموعات هذه المكتبات بالتبادل والإهداء والاستهداء ، وغير ذلك .

2-إفادتهم من خبراتنا في مجال صناعة النشر لمساعدتهم على طباعة وتوزيع وإتاحة هذه الكتب بأفضل الوسائل الممكنة وأقل التكاليف.

3-إرشادهم لأفضل طرق ترتيب هذه الكتب وتنظيمها حتى تصبح أيسر استخداماً ومن ثم أكثر إفادة .

4-توفير ملخصات لمحتويات هذه الكتب إن أمكن .

5-المساعدة على تسهيل الوصول لهذه الكتب عن طريق التسويق لمثل هذه المكتبات التي تمد يدها لمن يحتاجها بدون مقابل مادي،  والتي قد تكون سبباً في تغيير حياة وآخرة إنسان نحو الأفضل !

أما غير المتخصصين في المكتبات ، فيمكنهم  أيضاً  المساعدة في نقل الكتب من المخزن الى المكتبات الدعويه بالأماكن السياحيه المختلفة ،
أو المساهمة في طباعه الكتب و تجهيز المكتبات أو  توفير ورق للطباعه .  أو  توفير المكتبات التى تُعرض من خلالها هذه الكتب   .

وللمزيد من المعلومات حول الموضوع يمكن التواصل عبرالبريد الالكرتونى Ahlan.Egypt@hotmail.com
أو موقع الجمعية على الفيسبوك  https://www.facebook.com/ahlan.volunteers

المصادر

1-يا له من دين لوكان له رجال . تاريخ الإتاحة : 30 يوليو ، 2012. https://www.facebook.com/ahlan.volunteers

2-Islamic Message."Free of charge, You can enjoy our services",Conveying Islamic Message Society .Accessed July 30,2012. http://islamic-message.net/cims/default.aspx

  

حكايتى مع الزمااااان( قصة كفاح أحد خريجي قسم المكتبات مع البطالة)

بقلم /  أحمد حسين عبده الجريتلي

مدير مركز امتياز لخدمات المعلومات

وأخصائي تكنولوجيا المعلومات بمصنع وادي الملوك 

ببرج العرب  

دى مش أغنية وردة , معلهش هى حكاية طوييييييلة شويتين بس كل واحد هيلاقى نفسه فيها ,دى  حكايتى وحكاية شباب كتير اتخرج ولسه فى الكلية وبيحلم أحلام كتير اوى نفسه يحققها فى وسط الظروف الصعبه اللى احنا فيها , ............ الظروف الصعبة !!!!!   هو أصلا فى ظروف صعبه ؟؟؟؟؟

آه طبعاٌ مفيش شغل , كل حاجه وحشة , الشغل عاوز خبره خمس  سنين على الاقل , المرتبات جمييييييلة جداً :), الشغل مش هينفع الا بواسطه , انا لسه صغير معنديش خبرة, ياعم وانا هشتغل دلوقتى ليه , انا فى الكلية دلوقتى ومش فاضى اخد كورسات او اطور نفسي لما اتخرج يبقى يحلها ربنا......... إلخ

اعتقد مفيش حد مسمعش الجمل دى سواء اتخرج او لسه فى ثانويه عامة او لسه فى الكليه وبيحلم يشتغل فى مكان كويس , وسط الطاقه السلبية اللى الناس اللى حوالينا مشحونين بيها وبيعدونا بيها لاننا بنسمحلهم انهم ينقلولنا الطاقة السلبية دى, ودايما ننسى ان فى رب اسمه الكريم ولكننا بنهمل حتة السعى شوية او فاهمينة بشكل خاطئ !

 انا كل يوم باكبر وبتعلم حاجات كتير اوى , ومن ضمن الحاجات اللى كنت بسمعها واكررها فى دماغى وببقى عارفها زى ناس كتيييييييير -ولكنى بعيد كل البعد عنها -هى فكره السعي وتطوير الذات وفكرة ان فعلا اللى بيسعى ربنا بيقف جنبه ويعطيله فوق ماهو متصور!

 قصتى بدأت وانا فى الكليه , خريج كلية الآداب قسم المكتبات والمعلومات بحلم اشتغل فى مكان كبير محترم , معتمد فقط على مواد الكلية اللى للأسف ممكن يكون فى جزء كبير منها قديم بالنسبه لعصرنا دلوقتى , وكنت مش بفكر الا فى ان انجح واعدى علشان اطلع اشوف واسطه اشتغل بيها فى مكان جااامد واقبض مرتب كبير واعيش حياتى بقى واتجوز زي كل الشباب.

 طلعت من الكلية عندي ثقة ، عملت سيرة ذاتية زى الفل ( 11 ورقة ) كنت واخد كورسات كده على قدى بس كتيرة ومُشَتته ومش مركزه فى مجال معين مليييييييييييت بيها السيرة الذاتية وكنت فرحان جدا انها كبيرة ونزلت اقدمها   فى اول مكان كنت بحلم اشتغل فيه وفضلت قاعد جنب التليفون مستنى وانا فرحان ومتحمس , شهر عدى ... معلش يمكن فى طلبات شغل كتيرة , شهرين ... معلش اكيد هيتصلوا بس مفيش فرص دلوقتى, تلات شهور.... أربع شهور.... خمس شهور.... ستة !!!!

 معقول كل ده ؟!!!! وبدأ يترسخ فى دماغى فكره الواسطه وانه انا خلاااااااااااااص مش هينفع اشتغل الا بواسطة . بدأت ابذل كل طاقتى عشان الاقى واسطة وفعلا نجحت انى اعمل كده وفجأأأأأأأأة قامت الثورة ( ثورة 25 يناير ) المحترمة . أول يوم عدى قلنا مظاهرات وهتعدى ،تانى يوم الموضوع سخن كل يوم الموضوع بيزيد اكتر انا قلت انى خلاص مش هششششششششششتغل انا لازم انسسسسسسسى موضوع الشغل ده تماااااااااما, وده لانى ركزت فقط على ان اللى هيشغلنى حد يعنى انا كنت معتمد على غيري , ونتيجة ظروف الثورة وان البلد وقفت فتره فغيري ده مقدرش يساعدنى ومكنش حد يقدر يساعدنى فى الدنيا دى كلللللللها الا ربنا سبحانه وتعالى !!! وبعده على طول :إمكانياتي .

قررت أعمل شغل خاص وهو تقديم خدمات معلومات للباحثين، وعملت مدونة على النت أعرض فيها خدماتي 

http://askalibrarian.blogspot.com/

 وعملت  تسويق جاااامد جداً بكل الطرق ، لكن العائد كان أقل بكتير من المتوقَّع !

 جالي حاله من الاحباط لفتره قصيرة وبدأت أحاول أفوق من الاحباط ده بأنى افتكرت انى وانا صغير كنت بحب الكمبيوتر جدا وشاطر فيه ,بدأت اصلح اجهزة الكمبيوتر لأى حد اعرفه بدون مقابل ، وبعدين  قلت انزل اخد كورسات كمبيوتر اهو منها اخرج اتعرف على ناس جديدة ومنها اخد خبرات واتعلم علم جديد يمممكن ينفعنى , وكنت بقول يمكن كده وانا يعنى جوايا متأأأأأأأأأكد انه خلاص مفيش امل ,رحت الكورسات اتعلمت حاجات كتيرة اوى مليت السيرة الذاتية  اكتر ، بدأت ادور على شغل تانى وكل الشخصيات الايجابية اللى حواليا تطمني وتقولى:" يا ابنى دي فتره وهتعدى،  كلللللل الناس مرت بيها متتعبش نفسك ربنا شايلَّك حاجه كويسه" ؛

والناس السلبية تقولى العكس :"ياعم مفيش شغل ركز على الواسطة مش هتشتغل البلد واقفة" , وانا كنت واقع فى النص مش عارف اسمع كلام مين

 وصلت لفترة من أصعب فترات حياتى نفسيا بس فضلت آخد كورسات واقدم على شغل, بعدين صوَّرت بمبلغ كبير جدا نسخ من سيرتي الذاتية ونزلت اوزعها فى الشركات, اشتركت فى كلللللل مواقع التوظيف على الانترنت , قدمت فى كلللللل الشركات بشكل عشوائى وبشكل منظم وجربت كللللللللللللللللللللل حاجه ممكن أأأأأأأأأأأأي حد يتصورها لدرجه انى كنت بدخل للمديرين نفسهم.

 سعيت وتعبت بس العائد اللى جالى بعد الفتره دى هو عائد معنوى مش وظيفة او شغل, ولكن خبرة جديدة ربنا علّمها لى علشان شافنى باسعى ,

الخبره دى انا حبيت انقلها لكم علشان هتوفر عليكم فتره كبيرة من التعب,  ربنا حطنى على اول الطريق فكرت انى اتخصص بشكل افضل فى مجال التكنولوجيا والكمبيوتر وقررت انى ادرس واكمل دراستى فى المجال ده بشكل اكاديمى افضل ودخلت كلية العلوم قسم الحاسبات ،ولكن اتضح إني لازم أدرس أربع سنوات، فقررت الالتحاق بكلية الحاسبات وتكنولوجيا المعلومات بالأكاديمية العربية للعلوم والتكنولوجيا لدراسة الماجستير ، واتعرفت على ناس كتيره جديده وبدأت اذاكر وافهم لقيت انه كانت في حاجات كتييييييييييييير متخيل انى فاهمها وطلعت ولااااااا فاهم حاجه, لكن  العلم والدراسه شئ ممتع جدا , شئ ممتع لما تروح كل يوم كليتك حابب وواثق انك هتطلع متعلم شئ جديد هيخليك بكره أحسن ! ومع الاجتهاد والكفاح، الحمد لله  بدأت أتعلم وأفهم والحمد لله !

 بعد كده بدأت معارفى توسع فى المجال وبدأت علاقتى بالناس تكون اقوى ودائرة علاقاتى تزيد وبدأت أنضج أكتر، وفهمى للدنيا ونظرتى للأمور تتغير بشكل ملحوظ , وفضلت أسعى فى البحث عن وظيفة بشتى الطرق اللى ممكن اى حد يتخيلها ؛  يجيلى إحباط اقع وبعدها اقوم،  اقف تاني،  لغاية لما  احد اصدقائى شاف السيرة الذاتية بتاعتي قَدَراً وقالى السيرة دي وحشة جددددددددددددددددددددا " !

 انا طبعا دمى اتحرق وزعلت من الراجل وخدته على قد عقله وسبته يتكلم , أصل سيرتي  11 ورقه بحالهم!!!!  انا واخد كورسات ومظبط الدنيا , وبدأت اكبَّر دماغى من الفكرة ,

 وفضل الراجل يلح عليا وكأن ربنا باعتلي رسالة على لسانه يقولى السيرة الذاتية وحشة  ، مش هتشغلك لأنها مشمكتوبة  بالمعايير العالمية!

وبعدين مفيش شغل بواسطة انت واسطة نفسك,

 لِف واتعب واتبهدل.... انا سكت فتره وحاولت اغير طريقة تفكيري ، قلت: طيب ما اسمع صديقى ده هيقولى ايه , بدأ يقولى كل التفاصيل الخطأ فى السيرة بتاعتي  واللى هقولكم عليها طبعا كللللللللها فى حلقة جاية بشكل تكنيكى أفضل.

 المهم بدأ صديقى يقولى عدِّل هنا وهنا وهنا , اعدِّل وابعتهولوا يراجعه الاقى أخطاء تانيه , فجأه لما السيرة خلصت بصيت لقتيها صفحتين , قلت اكيد الراجل ده بيهزر !!!!

 بعدها احد اصدقائنا  من المتخصصين فى كتابة السير الذاتية ربنا بعتهالي وراحت بعد هذه التعديلات اضافت تعديلات اخرى اكثر احترافية وقالتلى ان فى حاجه اسمها  

Cover letter

او خطاب مرفق بالسيرة،  وده برضه هقولكم عليه فى الحلقة اللى جاية مع حكاية السيرة الذاتية بشكل ملخص ان شاء الله.

 خلصت السيرة الذاتية وقلت اجرب ابعت للشركات ،  فبعثت اول ايميل , جالى بعدها باربع ايام صديق عزيز ليا قالى انت اتقبلت فى الشركه عندنا وتعالى استلم الشغل يوم الأحد واعمل المقابلة الشخصية !!!

   ورحت واستلمت الشغل بدأت معنوياتى ترتفع اكثر فأكثر وثقتى فى نفسى زادت.

 وبدأت ادور فى اوقات فراغى على وظايف تانية اعلى لان الوظيفة اللى اشتغلتها ماكانتش فى تخصصى. وبدأ يجيلى تليفونات من شركات ومريت بالعديد من الاختبارات الشخصية  الكتيره اوى واللى نجحت فى معظمها وفشلت فى البعض الآخر نتيجه انى استهترت ايام ماكنت فى مرحلة الجامعه بدراسه اللغات والكمبيوتر بشكل قوي ودى الغلطة اللى بحاول اصلحها دلوقتي  

 ولكن الحمد لله دلوقتي باشتغل فى مكان بعيد شويتين والمرتب مش حلو تلات شويات

J  

 ولكن لابد من الاستمرار في  السعى،  مادام ربنا حطك على اول الطريق اتعلم وخد خبرة واستمر فى البحث ربنا هيعلِّمك ويفتحلك ابواب اكتر , احمد ربنا على النعمة واصبر وتأكد ان ربنا شايلك حاجه كبيرة جدا هيديهالك لو انت استمريت فى السعى بأمل في رحمته .

 انا بدأت اغير وجهة نظري تماماً تجاه فكره البحث عن وظيفة وربنا بدأ ييسرلى الطرق انى اقدر اساعد غيرى فى انه يشتغل ,

 وبدل ماكنت بدور لنفسى على شغل   ربنا فتح عليَّ وبقيت بدور لنفسى ولغيري وبالفعل اكتر من شخص اشتغلوا بفضل الله عن طريقي.

 ودلوقتي تفتكروا أنا بحكي الحكاية الطويلة العريضه دى لية؟؟؟؟

أولاً: لإنى مش عاوزكم تسمعوا اصواتكم الداخلية اللى بتنادى بالاحباط والفشل.

ثانياً: سدوا ودانكم عن الكلام السلبى والطاقة السلبية اللى حواليكم ودايما تَطلَّعوا للافضل واهم حاجه فى السعى هى الثقه فى الله  .

ثالثاً :كل تجربة فاشلة تمر بها هى فى الحقيقة نجاح مش واخد بالك منه بس هتشوفه  بعد كده  .

رابعاً : السعى مع الثقة فى الله هو أساس النجاح وتحقيق الآمال.

خامساً: تنمية مهاراتك وإوعى تعتمد على مواد الكلية فقط , طوَّر نفسك، انزل خد كورسات فى مجال معين عاوز تشتغل فيه، وياريت تكون بتحبه عشان تُبدع فيه  .

سادساً : اللغااات اللغاااات الللغاااات .

سابعا:  السيرة الذاتية والخطاب المرفق   أهم حاجتين  فى كل هذه القصه –بعد التوكل على الله - فَهُما عنوانك, تخيل انك بتدور على شقه فى جريدة من الجرائد تخيل أي اعلان هيلفت نظرك اكتر؟ الاعلان التقليدى العادى, ولا الاعلان اللى يشدك ويحسسك انه هو ده اللى انت بتدور عليه؟!

وأخيراً : الناس اللى ماعرفتش تشتغل وبتدَّعي ان مفيش شغل, انا اقدر ارد على آآآآآآآى حد فيهم اقولهم :

 " والله ،والله ،والله في  شغل كتير فى البلد بمرتبات كويسه ولايشترط الخبرة ولكن يشترط المهارة والإمكانات , فهل كل واحد منا معاه الإمكانيات دى؟

 لغات، كمبيوتر، ثقة بالنفس ،القدرة على التعامل مع الآخرين ؟!  

 هل انت عندك ده ؟

 لو الاجابة نعم , إلحَق اكتب السيرة الذاتية بشكل مناسب    علشان فى وظيفة مستنياك.

 لو الاجابة لأ :   إلحق خد كورسات ونمِّي قدراتك وانت برضه بتصلح سيرتك الذاتية و تطورها علشان فى وظيفه برضه مستنياك ،

وخليك دايما فاكر انت لو صاحب شركة مش هترضى تشغل اى حد عندك الا لما يكون متأكد انك 

هتعمل لُه اللى هو عاوزه !

و عاوز اشكر كللللللل حد وقف جنبى سواء  ساعدني او اهملني لان اللى وقف جمبى و ساعدنى

 مساعدة ايجابية ده دعمنى فى اوقات الشدة , واللى اهملني ساعدنى انى اكون عندى الخبره القليلة اللى بفيدكم بيها دلوقتى واللى من خلالها قدرت احس بذاتى واعتمد على نفسى .

ولا انسى الفضل اولاً واخيرا لكل من :

ربنا عز وجل فهو صاحب كل الفضل عليَّ.

أبي الفاضل ، وأمي الحنونة ، وأختي الطيِّبة

استاذتي الجميلة وأمى الفاضلة الدكتورة : اماني زكريا

زميلتى الصادقة ذات الوجه البشوش : أسماء ابو بكر

زميلتنا الجميلة المتفوقة : غدير مجدي .

وأيضا الكثير من الجنود المجهولين فى كليتي و كل الناس اللى ساعدتنى وانا مش حابب انى انسى حد.

استنوني  إن شاء الله  فى المره الجاية هقولكم ازاى تعملوا سيرة ذاتية بشكل صحيح   يساعدكم انكم تلاقوا شغل بجانب طبعا انكم تبنوا مهاراتكم , بس المره الجاية دى هتيجى بناءً على تعليقاتكم محتاج اسمع آراء الناس واى حد محتاج يسأل عن  حاجه أنا تحت امره.

أخوكم

احمد حسين الجريتلي

خرِّيج سنة2010

مكتبة عامة في مطار الملك خالد !!!!

خبر أسعدني كثيراً حين قرأته ورأيت الصورة  التي نشرها الزميل الفاضل/ محمد مهدي نقلاً عن موقع الاتحاد العربي للمكتبات والمعلومات ( أعلم )

  فهذه خطوة رائعة -من مكتبة الملك عبد العزيز العامة -نحو التقدم ، حين نفكر في تقديم الكتاب المطبوع لمن لديهم وقت فراغ  ،

 ففي هذا دعوة للعودة لقراءة الكتاب المطبوع ، ومساعدة للناس على القراءة ،

وحرص على إفادة من يقرءون هذه الكتب!  

 بشرط أن تكون موضوعات الكتب من الموضوعات التي تتناسب مع حال المسافرين ،

 فهم في حاجة لمعلومات خفيفة متنوعة ومفيدة في نفس الوقت حول شتى الموضوعات البارزة والتي تهم كل الناس .

أتمنى أن  تنتشر مثل هذه المكتبات في ربوع وطننا العربي الحبيب ،ليس فقط في المطارات ، ولكن في المتنزهات العامة ، وعلى الشواطىء، و في كل أماكن التجمعات المتاحة .

أماني الرمادي